德輝興旺決心添食

今日六場沙地賽事，賽前來料推介頭場“德輝興旺”及二場“柏雪之寶”一對舊馬，啱心水可捧場。

“德輝興旺”上仗輕鬆贏馬，寶刀未老。今日原裝配搭，出爭首本路程決心添食，跟前鬥後值得捧場。“醒目仔”質新沙地性能合發揮，熱身後再來強配高君濤擺明車馬，順利放出可與前駒一Q返來。

“柏雪之寶”沙地賽績甚佳，今重配高君濤搏殺有心，同程賽績有根據，留前鬥後可贏馬交代。“創投精英”季內五戰取一亞，評分已低於上季贏馬時。重投劉永康人馬合拍，可望爭入前列，單Q不妨揀佢。