柏雪之寶坐位望贏

澳馬跑埋今次，本月只剩三次賽事。今季練者競逐日趨激烈，馮耀正現以十一W領先，摩利高十W居次，錢健明九W排第三。前三名頭馬相差不多，跑罷今仗排名隨時會變。張兆煊今仗屯重兵應戰，睇環境會開殺戒。

開季後張兆煊廄未急於進取，要睇定至食，至今只取四W，成績平平。賽事跑過兩個多月，兆廄馬已減分回氣，練者精心部署，今日派多駒應戰。馬房擺出搏殺格，預計會有頭馬見面，臨場不妨吼緊。

第二場：三四班一三五○米。“柏雪之寶”上仗同程後上殺入三甲，戰鬥力不弱。拼後小休重來，今於三四班混戰，計馬實力佔優勢。此駒跑均速，直路竄勁夠強。今仗易配高君濤操刀，人馬老搭檔夠合拍，遇同組對手寥寥無多，坐位望贏無甩拖。

第四場：三班一五一○米。“峰飛騰”沙草地皆可適應，跑此程亦有贏馬紀錄支持。今季沙地贏後轉草兩連敗，讓馬匹減分回氣。拼後重新操磨，仍具作戰水準。此番改配余健雄操刀，騎者今季尚未贏馬，料必拼盡搏開齋，可視作馬膽看待。

第五場：四班一五一○米。“明軒一號”上仗千六米只得第二，埋門敗於“年年友”超級馬，不足為辱。此駒季內長期有態，演出穩定，同高君濤更是最佳拍檔。拼後轉戰此程尤合發揮，高君濤重視此駒一手摸住不放，憑人馬夾檔，可竟全功。