反貪終章《G風暴》年底上畫

古天樂：重本搭廠景有睇頭

由古天樂主演，黃百鳴監製、林德祿執導的反貪風暴系列電影，橫跨七年打造了五步曲，包括《Z風暴》、《S風暴》、《L風暴》、《P風暴》及今年除夕十二月卅一日上映的終極篇《G風暴》。昨日發佈該片製作特輯，林德祿揚言：“系列終極篇，要將刺激性提升，武器子彈升級，比前四集加起還多！”

古天樂說：“由於今集案情比以往都複雜，劇本動作比以往多，所以場面設計更多！亦希望喺最後一集呈現到一部最好睇嘅反貪風暴！今集劇組除了在香港文化中心、太空館等鬧市實地取景外，爲拍攝一場太空館天象廳槍戰大爆炸情節，劇組重本搭建一個一比一天象廳廠景。”戲中飾演大法官的宣萱，亦對像真度非常高的天象廳讚口不絕：“感覺好似真係喺天象廳發生好多事，有追逐同埋槍戰，我自己身在其中都變得好緊張、刺激。”

片中以張智霖爲首的G4，聯同隊員陳庭欣、劉浩龍、張松枝等一起保護宣萱，其中一場宣萱被犯罪分子埋伏的飛車槍戰戲，劇組申請將公路封閉數日拍攝，更租用了三十多架車去完成這個追逐過程，身歷其境的張智霖形容這場飛車戲非常大陣仗：“成個劇組都好認真去處理，因爲真係封咗條公路，仲有好多非一般動作場面要處理，雖然我唔洗揸車，但會有好多駁火戲，啲設計幾有趣。”

反貪風暴系列電影每集的英文字母，均代表不同反貪題材，今次《G風暴》G代表G4外，亦是廉政公署內部的G小組，即臥底小組。

終極篇除了有古天樂、張智霖、鄭嘉穎繼續參演外，同時新加盟了宣萱、黃宗澤及馬來西亞影帝Rosyam Nor，還有張繼聰、陳靜、謝天華、夏嫣、廖啓智、盧海鵬、關禮傑、張兆輝、劉浩龍、張松枝、陳庭欣、張敬仁等演員參演。