玫瑰勇士減磅搏殺

澳馬場以往每年都有過江龍來搵食，近年因疫情影響少有人來，故騎師人手愈來愈緊張。現時華洋騎者共十五位，偶爾因有人受傷或停賽，便出現有馬無人騎現象，令會方頭痛。上季着手培訓多位本地策騎員，經多月來考核已獲准出賽。早前黃世浩及呂韋勒相繼開齋，上仗梁曉傳亦憑“大玩意”贏馬。他們出賽次數不多，但憑過往策騎員經驗，轉為職業騎師後基本已全情投入，以出賽贏獎金搵食。譚廄牌仔梁曉傳上仗騎“大玩意”，憑減十磅之利出閘搶放，全程一氣呵成走返，大勝同組對手一條街，令人刮目相看。此子不是大師傅級數且經驗較淺，勝在有減十磅優惠，騎重磅馬分外有利，單一招出閘靠放已夠煞食。練者譚文就收下此位十磅仔做門徒，對馬房出擊有莫大幫助。同時自己馬房牌仔若外借給別廄使用，贏馬亦有獎金收，何樂而不為。梁曉傳上月初始出賽，跑過十幾場賽事上次開齋，論個人際遇算好。譚文就季內與此位十磅仔合作，料成績更佳。

周六上演六場沙地日賽，是仗出馬有限，最多一場得九駒，馬少且形勢混亂，選取投注重心不易，宜小心推敲。第五場四班一五一○米，譚廄“玫瑰勇士”交梁曉傳掛帥，憑其減十磅搏殺。此駒上季贏完後再無頭馬見面，最叻跑入二三名。今季連敗多仗減分，今番落班用牌仔減磅有助。“玫瑰勇士”沙地最佳出路，今次梁曉傳執韁，憑減磅優勢出閘搶先，可望帶返終點，賽日不妨留意。