粉絲包場與偶像齊睇戲

李靜儀讚有心思

李靜儀有份參演的電影近日上映，一班粉絲日前特地到北角戲院包場齊撐偶像。雖然連日忙於為電影宣傳，但她仍抽空現身與一大班粉絲聚會，還坐定定與粉絲一齊睇戲。

李靜儀(Heidi) 與MIRROR成員盧瀚霆(Anson Lo)、李炘頤、蘇皓兒及新人陳紫萱主演的《假冒女團》近日上映，一班粉絲日前特地到北角戲院包場睇戲，齊齊為偶像撐場。

因應疫情關係，Heidi已有兩年多未有跟粉絲近距離接觸。不過這次並不是她首次與粉絲一起包場睇戲，她說︰“以前拍《微交少女》已試過一齊睇戲，不過已經係好耐之前的事啦。我成日都想同粉絲有聚會，好似之前打算同Aka（趙慧珊）一齊同粉絲搞生日會，但最後亦因為疫情而取消，好開心今次可以同粉絲一齊睇戲。”一大班粉絲除了包場外，還製作了一系列應援紀念品，獲Heidi 大讚很有心思。她說︰“佢哋好有心！初時我以為只係包一間，原來係兩間！仲有粉絲因為無位唔可以一齊睇，覺得唔好意思。”

提到今次與粉絲一齊睇戲，Heidi透露有粉絲即將移民，今次是最後一次見面，她得知後直言感到有點不捨︰“我聽到後有點唔捨得，好似一個朋友同你講要移民，以後唔會再見，所以好珍惜當晚一齊睇戲的時間。”她又笑言有粉絲穿畢業袍來睇戲，她被對方搞喊︰“有粉絲穿上畢業袍搵我影相，覺得好感動！聽到佢話由中學鍾意我到大學畢業、陪伴佢一齊成長。勁感動！被搞到眼濕濕，感謝粉絲一直支持、陪住我成長和進步。”