林峰為新戲角色專門曬黑

林峰與任賢齊昨日出席新戲《九龍城寨 · 圍城》開鏡儀式。林峰透露今次角色造型鮮明，為角色再度曬黑，所以昨日戴上冷帽，以免髮型曝光。首次跟林峰合作的小齊，大讚對方很努力：“為了今次演出不停操練，一星期操足五日。平時見佢風流倜儻、好瀟灑，今次見佢鋼條身形好實淨。”

林峰透露在戲中不會刻意騷肌，反而要被小齊及古天樂輪住打，坦言今次演出好大挑戰。他說：“基本上每個角色都會有機會打我，因為我的角色貫穿成部戲，所以由頭打到尾。今次有拳腳打、撞車、跳樓，總之就飛天遁地。”可有練到受傷？林峰坦言“少不免”，不過卻認為好值得：“開拍前訓練了個幾月，每日練三個鐘。第一日練到差啲嘔，不過辛苦都係值得的。”

該片要拍攝到農曆新年期間才完成，林峰被問是否未能與老婆張馨月和女兒“格格寶”見面？小齊即指“這些就是演員的付出”，林峰聞言大表認同：“依家每日開視頻，囡囡只得一歲幾大，我掛住老婆、又掛住小朋友。不過囡囡唔會唔認得我，一見到我就叫爸爸，捱到幾辛苦都無所謂。”張韾月和囡囡會否到香港會合？林峰卻說：“因為疫情關係要隔離，坐飛機亦有風險，所以暫時唔考慮。”