薛家燕變“萬歲主持”

全新綜藝節目《麻將鬥室三決一》昨晚首播，身為主持人的薛家燕，上周六邀請節目拍檔吳若希(Jinny)及鄭衍鋒到新城電台接受訪問，三人大談麻將經。

《麻》共有十三集，每集拍攝時間最少要十三小時，至今已拍了一半。家燕姐希望可以在餘下集數能夠邀請到鍾意打麻將的小鳳姐（徐小鳳）上節目打牌。家燕姐話：“小鳳姐打麻將好叻，我梗係想請佢上嚟啦，大家可以跟小鳳姐學嘢。”

雖然節目只拍了一半，但幾位主持感情要好，似足一個大家庭。鄭衍鋒透露：“家燕姐不時會萬歲請食蛋撻、沙翁，我就會請飲咖啡。有次家燕姐錄影時，錄到聲沙沙，Jinny翌日帶埋私伙浸咗十幾年的鹹柑桔畀家燕姐紓緩喉嚨。”家燕姐說：“係呀，可能拍攝時間好長，拍一集等於拍兩集《流行經典》，大家相處時間長，感情都好好。”家燕姐更大讚Jinny老公唔錯：“拍到凌晨兩三點，便見Alex接太太放工。”