陳家樂獲發哥貼心合照

陳家樂昨日在社交平台分享與發哥的兩張“清與朦”的合照，透露入行十八年，終於有機會遇上偶像發哥，他即時化身小粉絲和發哥合照，更獲對方體貼對待。家樂開心得如像中六合彩，興奮得大嗌“阿媽我得咗啦”。

“發哥”周潤發近年習慣行山、幫襯平民食店、去街市買菜，親切形象，令香港人視發哥為好友，若然遇到發哥必定第一時間“集郵”合照。今次輪到陳家樂中彩，他在社交網寫道：“Omg！（我的天！）頭先偷食燒鵝時，後面突然有一班行山客叫嘢食，突然聽到有人問‘發哥想食咩？’聽到後，我個腦即刻高速運轉！我計算到，佢係賭神發哥的機率一定大過同花順！”

家樂立刻轉頭一望，果然見到是偶像發哥，難掩喜悅心情：“入行咁耐，我終於可以見到發哥啦！我即刻膽粗粗問發哥可唔可以影相？影完之後，佢仲見我鏡頭花咗，影到矇查查，於是再用佢電話同我影、再傳番畀我，太貼心啦！”

發哥的貼心舉動直頭把家樂仔融化，他說：“開心過中六合彩，媽，我得咗啦！”黃建東搞笑留言：“羨慕到流鼻血。”