雷深如個唱十五歲禁入

歌手雷深如(J.Arie)接受香港開電視主播馬梓軒專訪，暢談音樂歷程。被問到會否在個唱性感上陣？J.Arie笑說：“大家到時入場就會知道。其實有諗過，呢個演唱會都有幾多突破，包括題材、演出、肢體、視覺上，希望做到一個配合到我性格同想法的演唱會。”

入行八年的J.Arie即將舉行首次個人演唱會，她透露這次演唱會特別之處是設有年齡限制：“我好想在今次演唱會將我的三十二年人生，好赤裸地畀大家睇！亦有好多想法呈現在演出當中，其中有幾多歪理及為世不容的寫咗入去！開過製作會議後，主辦方就話演唱會本身冇呢個規例，但真係要加返十五歲以下係唔入得去睇。”

最後悔小時候沒有學哪種樂器？她坦言：“我好想學長笛及色士風，覺得呢兩種樂器要用到喉嚨聲去吹，但我天生有個缺陷，細個時醫生已經對我媽咪講，以後我做任何事都唔可以用咁多聲，因為我聲帶本身有兩個腫瘤，所以把聲係好容易沙！我覺得自己有啲似蘇樺偉，向自己弱點進發，人愈大就反而對用聲愈有興趣，覺得係要發掘多啲。”