鄧建明自嘲搏老命演出

夏韶聲與鄧建明一連兩場演唱會前晚圓滿舉行。鄧建明(Joey) 在頭場因差錯腳跌落台，以致左手食指受傷；他尾場雖負傷上陣，但無礙表現，在Solo彈奏結他時依然揮灑自如，揚言是“搏老命”演出。

由於今次九展場地首次有演唱會使用巨型天幕，不少樂迷打卡留念，Joey亦無懼墜台陰影，再次坐在台邊彈結他。當晚亦有不少驚喜，如雷有輝趕到現場上台撐兄弟，夏韶聲應鼓手要求臨時加插《空櫈》一曲，他坦言尾場表現更好，笑指越做越興奮：“好多歌都未唱，但係今次擺明係一個搖滾騷，所以要留返個人演唱會先唱囉！到時一定要搵返Joey Tang合作，因為佢都熟晒我啲歌。難得大家都仲企到上個台，一定要再玩多次。”

Joey笑言自己尾場“搏老命”演出，當他在台上多謝好友問候時忍不住高呼“冇事嘛”，向大家報平安：“尋日跌傷後隻手指係黑色的，今日就變咗紫色，叫做有好轉！但跟住有好多演出工作，冇時間畀隻手去抖。今晚坐滿觀眾，實在太興奮，唔會留力，所以玩到好盡興。”他希望下次再開騷時，大家毋需戴口罩入場，每個人健健康康。