MIRROR隊員出騷唔知價

MIRROR昨日出席與電訊商手機的聯乘企劃活動，吸引數百“鏡粉”到場支持。有指MIRROR年底將參與香港旅發局舉辦的除夕倒數表演，肯定吸引大量粉絲支持；TVB不甘示弱，盛傳力邀陳奕迅、Twins、譚詠麟等演出對撼，對此，AK雀躍地說：“好嘢，可以見到前輩演出。”

Lokman則說：“完騷後大家將會一齊睇重播，互相支持，到時一齊倒數會好開心！”

MIRROR昨日跳唱兩首《BOSS》和《ASAP》歌曲，一直有傳組合出騷價昂貴，隊長楊樂文(Lokman)表示從來唔知身價，亦冇睇過糧單；王智德(Alton)就話十二人出騷最珍貴。成員姜濤、盧瀚霆(Anson Lo)、陳卓賢(Ian)和江熚生(Anson Kong)就被爆五十萬元出一個騷，四人都表示唔知道，AK認為選工作最重要係可以配合MIRROR，並笑言未出糧。姜濤則稱支票由屋企人接收，從冇過問；AL說公司無論平及貴的工作也會接，自己亦從未過問價錢。