許廷鏗細膽唔敢滑雪
許廷鏗(Alfred)近來工作不少，除了演出活動外，也為商業活動擔任嘉賓。前晚，Alfred又應邀出席冬季服裝品牌的宣傳活動。
Alfred穿上厚厚的冬季服裝亮相，話題好自然扯到冬季運動上。他被問及可曾在外地滑過雪？他表示：“未有，我從未試過滑雪，因為自己好細膽，驚如果滑雪的時候發生意外，可能會影響到一生。（擔心破相冇咗靚仔樣？）又唔係，破相可以戴口罩遮掩，但如果撞斷手就唔可以做牙醫了。”
Alfred坦言自己對雪都有些童年陰影，他兩歲時跟隨家人到新西蘭旅遊，當時天下大雪，他踏足雪地時，感到雙腳要沉下去，驚到不停哭，全程要媽媽抱到實。可能受驚，之後他坐飛機返港時，又喊足全程。
