余香凝化身萬能媽

余香凝(Jennifer)今年五月誕下女兒後，除了忙於湊B，有空餘時間就密密做運動，身材已回復最佳狀態，早前更接拍補鈣食品廣告。拍攝當日，Jennifer換上多個不同造型上陣，除了有瑜伽及運動Look外，更化身家庭主婦下廚，難怪她笑言“做返自己”。

Jennife說是次拍攝非常開心︰“今次係一個幾開心同正面的廣告，因為當媽媽之後，講緊點樣喼住自己的表現。因為大家都知道，身體好，表現先會好。”

廣告拍攝長達十多小時，要離開寶貝女整天工作，Jennifer出動與女兒的私伙合照做道具放在拍攝現場，以解相思之苦，每當不用埋位及轉造型時，Jennifer便拿出手機觀看家中閉路電視鏡頭。她表示︰“小朋友係放家庭第一位，所以唯有自己辛苦些，等佢瞓着時，自己即刻去做嘢，或者等佢夜晚瞓時再專心睇劇本。”她又讚女兒已懂得望鏡頭︰“會唔會好似我咁鍾意做戲唱歌？其實現在佢仲細，鍾意音樂、畫畫，或者好動、鍾意打拳都冇所謂，我唔會話女仔一定要好斯文，佢鍾意做乜都得。”