黃翊開網上音樂會當練歌

黃翊日前接受TVB娛樂新聞台節目專訪，透露疫情期間每星期都舉行網上音樂會。他說：“自上年開始，每個星期演出好似練唱歌。每次請嘉賓上來，就好似武俠片吸星大法，我學習佢哋技巧、睇住佢哋唱歌、睇住佢哋點樣運用自己把聲，真係學到唔少嘢！”

即將舉行演唱會的黃翊，受訪當日卻喉嚨不適，他透露曾入院治療。他說：“身體響了警號，之前一直喉嚨唔舒服，好乾、唱歌唱兩三首就好攰，維持了三個月才去睇醫生。檢查後才知喉嚨裡面有個水囊。初時好驚，因為可大可小，好彩最後診斷係良性。醫生話我有無形壓力導致，依家要放鬆自己、好好休息、多做運動。”

問他有冇叫兒子一齊做運動？黃翊笑言見到兒子成日掛住打機，於是叫兒子一齊跑步：“初時佢都唔願意，但慢慢習慣咗，現在反而叫返我轉頭。依家兒子係排球隊成員，所以得閒就叫埋我去幫佢練波。我覺得係好事，當作係親子樂，過程中大家多咗溝通，兩父子感情增進不少。”