李施嬅再攞獎約劇組飯聚

李施嬅喜事接踵而來，繼去年宣佈婚訊後，再憑無線劇集《金宵大廈》的角色，先是在萬千星輝頒獎禮獲得最受歡迎電視女角色獎；最近再報喜，憑該劇角色在紐約電視電影節捧走最佳女演員組別優異獎，揚威海外。

昨日，施嬅和山聰分別在社交平台放上慶功宴開香檳的片段和相片，眾人歡天喜地齊齊慶祝。原來施嬅日前約齊同劇的演員陳山聰、趙希洛及監製葉鎮輝齊齊開香檳慶祝，並笑言希望“攞獎飯”長食長有。

笑到四萬咁口的施嬅，以中英文對照留言：“佢哋話攞獎要請食飯，希望大家都繼續有得請食飯啦。同呢班人傾《金宵大廈》加《金宵大廈2》，傾咗五個鐘都覺得唔夠。我好耐冇試過咁夜啦。真係好難得有一套大家都咁熱捧的劇，係真愛！希望將來還有機會再合作，感恩，感謝你哋。”

山聰同樣表現開心，說：“再次恭喜施嬅憑《金宵大廈》揚威海外，攞獎梗係要請食飯啦！希望《金宵2》出街後再食過、再攞獎。”