向海嵐體驗當一日店長

向海嵐 (Anne) 早前為保健產品擔任代言人，近日索性“反客為主”，決定入股投資該保健產品，由代言人升呢當老闆。日前她與另一位代言人王賢誌身體力行擔當一日店長，親自落鋪推銷，表現貼地兼親民。

二人放下藝人包袱，當日落手落腳執頭執尾，由搬貨、執貨到上架都親力親為。搞笑的Anne不忘拿起貓紙溫書，惡補產品資料及成份。Anne坦言體驗做一日店長緊張又驚險：“其實都有少少辛苦，因為自己好緊張，當有客人問嘢時要好熟悉產品資料，好驚自己會講錯，同時又好想做成單生意，唔多唔少都有啲壓力。”她又說：“我投入程度好高，代言時已經好了解清楚產品，覺得市場前景唔錯，值得投資落去。”