榮華煌田令人憧憬

馬季開鑼個多月，練馬師仍有多人未贏馬。今季養馬不多的鄒欽華，上仗“甜餅乾”交田中正一主轡打開勝門，馬房開齋練者放下心理包袱，日後可疊埋心水搏殺。鄒欽華由上世紀九十年代中期開倉至今已二十餘年，因近年澳馬場環境今非昔比，鄒廄養馬亦有限。但練者默默耕耘，隨着環境改變去適應，有多做多，有少做少，盡量發揮自己才能。

鄒欽華部署出擊有計劃，用人不拘一格，加上保養馬匹得宜，每季成績不差。上季倉口得十二駒，能取十七W已是比上不足，比下有餘。此位資深練者懂生物學，尤其對養馬更有一套辦法，故鄒廄馬向以耐拼見稱，不少馬跑極都有，很多由低班贏上高班。例如“高而靜”連季取九捷，低分馬贏到你唔信。“甜餅乾”上季至今共取五捷，令人刮目相看。“報捷來”上季三捷，愈跑愈有，表現予人好感。尚有“惠澤社羣”、“榮華煌日”上季同取兩捷，戰績不差，由此反映練者部署出擊有辦法，練馬功夫到家。上季同田中正一及高君濤合作緊密，由兩位騎者出戰之駒可交到功課。鄒欽華多年來與高君濤屬最佳拍檔，“濤仔”騎功全面，跟得鬥得，陣上搏殺勝人一籌，連季獲練者器重，料今季兩人仍會緊密合作。

周六草地賽又來，鄒廄派多駒應戰，旗下“榮華煌田”跑六班千二米。馬房精品出擊，冀憑上仗開齋氣勢增添頭馬。“榮華煌田”上季尾才開齋，今季首戰千二米得亞軍，雖敗表現仍佳。今次匆匆再戰，復爭開齋路程，令人憧憬。聞幕後起用高君濤執，憑騎者功架替此駒贏馬，賽日不妨留意。