劉穎鏇出水芙蓉驚艷

馬國明裝盲扮啞唔敢睇

馬國明、陳山聰、劉佩玥、劉穎鏇昨日到游泳池為新劇拍外景，兩女以泳裝上陣，色誘劇中的富二代。美女當前，心有所屬的馬明不敢亂望，笑言適當時候會裝盲扮啞。

劉穎鏇 (Tiffany)、劉佩玥 (Moon) 、馬國明、陳山聰及郭子豪等昨日為無線新劇《隱形戰隊》到游泳池畔取影拍攝。Tiffany穿上三點式展露馬甲線，即場上演一幕“出水芙蓉”上水鏡頭，非常搶鏡；Moon則以一件頭泳衣、腰間披上長薄紗及閃閃高跟鞋的高貴Look現身。昨日拍攝的一幕是講述眾人為查案，分別做臥底喬裝不同身份、混入一班懷疑犯罪的富二代圈子，由Tiffany、Moon泳裝上陣色誘這班富二代；馬明扮文萊有錢仔、陳山聰和郭子豪化身侍應。Tiffany表示穿性感三點式是劇情需要：“劇中講我係模特兒，在劇集開拍前，我便開始健身操弗。因為拍檔都是肌肉男，我要操出肌肉去說服觀眾。”Tiffany透露自選美後未試過着泳衣示人：“所以剛才從泳池出來、讓大家拍照時，有少許選美感覺、有點害羞，上水時都驚走光，幸好工作人員十分照顧我。”

Moon的性感程度較Tiffany遜色，她笑言好多工作人員都問她為何唔着三點式，她表示 ：“是劇情需要，我扮馬明女友，在上流社會走高貴格調，都有曬長腿。（事前都要瘦身？）冇Tiffany操得咁厲害，但每日見她食得好健康和做運動，我都被她影響，保持運動量。”談及日前攝製隊在深水埗取景，因她的聲線太響亮而被投訴擾民，Moon表示向受影響的居民致歉：“當日劇情需要，我都知自己好嘈，要向深水埗街坊講聲對唔住。”

馬明和山聰打扮密實，未有着泳褲亮相，兩人笑說着泳裝的重任交由女士負責。馬明指泳裝戲只有這一場，其他場面很多是打戲；山聰指很少看到馬明演打戲，他與劉穎鏇演情侶，但今次好少談情戲。

馬明被問在劇中是否艷福無邊？他笑言：“我今日盲咗，唔可以亂講話，只係見到山聰冇露都好有型！（是否冇向女友湯洛雯備案？）就係冇，所以我今日盲咗。（平日都不敢亂望其他女仔？）通常都係佢（靚湯）叫我望才望，我唔識揣摸她的說話，所以她一問我就啞，我會隨着問題的不同變盲變啞。（驚女友見到你講其他女生？）我啞的，她會追睇我的訪問，有直播的話，可能已經在看直播，哈哈。（靚湯是醋娘子？）千祈唔好咁講，她唔係醋娘子，好大方。”

馬明自嘲盲咗，Tiffany笑說：“點解呀，我們好健康，他冇特別提過，我也冇留意他。拍戲時他只望住我對眼，他好乖，是個好男仔，毋需要質疑。”