NIKE聯乘獨角獸高達

以前沒有電腦沒有網絡，唔少八○、九○後在求學時期以打波（籃球）踢波（足球）為最大娛樂，心愛的球鞋往往成為大家追求的裝備，無他，着對靚波鞋，落場都勁啲。踢足球的例如老夫大多是Adidas死忠，至於打籃球的，Nike一定是朝思暮想的球鞋。

最近，Nike 同BANDAI宣佈聯手合作以獨角獸高達 Unicorn Gundam為題材的Crossover，推出特別版波鞋同模型，模型是HG 1:144 版本，老實說獨角獸模型已出了千百次，不少人家中都有三幾隻鎮宅供奉，這次Crossover最大賣點就是水印貼紙，大大個Nike logo 貼在獨角獸高達堅厚又寬敞的膊頭戰甲上，真係十分巴閉。

對鞋設定圖已出，但實物未見蹤影，估計要抽籤決定幸運兒然後個價炒到飛起了，當然如果是土豪又是獨角獸高達死忠，當然係“一對着、一對show、一對儲”的了，現在環境惡劣，搵啲心頭好氹吓自己都好。（編者按：本文為上期的《NIKE SD獨角獸高達》上篇，特此更正。）

奇貨先生