楊柳青唔想再拍驚嚇片

劉浩龍、蘇皓兒及楊柳青日前接受TVB娛樂新聞台訪問，大談拍攝新戲《糖街製片廠》感受。有份參與演出的蘇皓兒說：“我冇做女團好幾年了，早已經放下歌手包袱，形象與之前好唔同，希望可以演多啲唔同類型角色。（成日做學生？）依家連學生都做唔到啦！”劉浩龍笑說：“唔會啩，你做得我個女啊。”

楊柳青透露曾向公司要求唔接拍驚慄電影，她說：“我出埠拍戲都唔可以自己一個住酒店，今次係我第一次同公司成班演員一齊合作，已經好吸引。因為好少可以大家聚埋一齊拍戲，全部人都認識，我諗新片唔會太恐怖啩。”

談到新戲有大量特技化妝，劉浩龍就表示化特技妝唔好受。他說：“每次都要化好長時間，大概三個幾鐘。因為唔可以郁，又唔可以玩電話，連食嘢飲嘢瞓覺都唔得，不過真係第一次有六個人同一時間服侍我。落妝亦好痛苦。拍完之後一日，我雙眼皮變咗四眼皮，嚇到我立即問化妝師，佢話廿幾歲的會好快復原，我隔多幾日應該冇事，真係激死我！”