銀城雄星謀添食

昨周二主課期收操後有兩組馬試閘，夾埋只得十一駒參試，場面平淡。馬季開鑼已個多月，馮耀正廄開季後積極搶攻，上仗雖無馬贏，暫仍以六W領先。練者上季爭冠軍未能如願，戰駒季內拼搏多，季尾大部分要回氣，令練者部署出擊未能接上，成續停滯不前，賽至埋尾以三十W排第三名。馮廄每年有新馬補充，今季養馬增至二十七匹。倉口仍屬大型班，馬匹質素普遍不差，廄內低分馬只得幾匹。季內出擊兵源充裕，練者今季爭冠機會重臨。馮廄季初領先對手，馬房有個好開始，廄中上下軍心振奮。今期共跑兩日賽事，馮廄精兵列陣，看賽前備戰動態積極，馬迷欲捧馬房可優先考慮。

周五沙地夜賽排位今午進行，馮廄精品“銀城雄星”已報跑三班千六米。此駒上仗一三五○在高君濤胯下快放帶返，馬匹負重磅贏來悅目。拼後小休再來，增程跑千六米估計長力可應付。此匹退役港馬在當地未贏過，最叻跑入第四名，但來澳後五戰取四捷，愈跑愈好。“銀城雄星”六歲馬實力尚未用盡，跑沙地好腳法。來澳適應此間環境較快，有賴練者及廄中人落力去打理，馬匹表現脫胎換骨。此駒近期狀態冒勇，今轉戰千六米料會合發揮，再交高君濤主轡駕輕就熟。此子騎馮廄馬一向交得準繩。“銀城雄星”人強馬壯，可謀添食。