孫慧雪轉型開食材店

孫慧雪前日為她有份投資的食材店舉行開張儀式，她透露是與四位朋友合資七位數開設的，其中一位股東原來是靚仔廚師湛錦鈿(Oreo)。

前日開張儀式上，孫慧雪的老公羅天彥與兒子到場支持外，一班圈中好友蔡思貝、賴慰玲、楊潮凱及鄧伊婷亦有現身撐場。

孫慧雪表示今次開店是因為自己喜歡美食：“加上拍檔Oreo又是廚師，能找到靚食材。而且他們本身都有合作拍片教煮食，於是便促成今次合作。”問她負責甚麼工作？ 她笑言負責做宣傳：“會請朋友幫手試食及打卡，有空亦會落場做一日店長，並會有驚喜給大家。”

孫慧雪坦言有意轉型，除了搞飲食生意，現時正籌備一個市面上未有的應用程式，還計劃開餐廳。她笑說：“老公有興趣開餐廳，我會叫佢出錢，同埋迫佢諗啲主意。”

是否唔做幕前了？她說：“邊度有錢搵就去邊度，好多人話我有咗小朋友後好努力。因為樣樣都要用錢，為咗囝囝，我會努力啲。（以後封胸唔再行性感？）做女強人啲衫要扣到上頸口架。”