王菀之伍仲衡拍MV四手聯彈

女歌手王菀之(Ivana) 與音樂人伍仲衡合作炮製了一個音樂企劃，名為《仍然記得嗰一次》專輯，收錄十二首歌，由Ivana演繹。日前兩人為《假如讓你吻下去》和《倒數》拍MV，《倒數》是鄭秀文《時間之光》的Demo版。MV拍攝期間，兩人即興四手聯彈，現場變成鋼琴演奏會，全場工作人員大飽耳福。

Ivana 和伍仲衡老友鬼鬼，一見面就搞笑互窒。伍仲衡說：“Ivana把聲好獨特，佢唱歌好細聲，有時在錄音室都聽唔到，個咪要調校到好大聲。” 專輯收錄伍仲衡初試啼聲唱《仍然記得嗰一次》，他笑說：“平時係我做監製，叫佢唱完又唱；今次係我去錄音，佢叫我錄完又錄。係我人生第一次錄歌，可能亦係最後一次。”Ivana說：“我會盡力，唔會成為你最後一次口架！”

原來在Ivana出道前，幾乎包辦伍仲衡寫給女歌手的歌曲Demo，她說：“呢張碟除咗紀念我哋因為音樂而成為朋友，亦同大家分享我哋都好鍾意嘅音樂人前輩作品。錄歌翻唱Demo版時，回憶即刻返晒嚟！”