炎明熹適合做藝人

是悲，還是喜，十六歲還未成年的炎明熹(Gigi)，因推出新歌而忙碌，上電台接受鄭裕玲訪問，還要姑丈陪同……

炎明熹是學生也是大熱歌手，Gigi的姑丈坦言有點忐忑：“我哋都冇諗過咁快，始終佢仲係細，要讀完書先。點知呢個機會出現咗，現在，變了另一個階段，所以會喺佢身邊幫吓；到佢十八歲就交返佢自己。”

稍後，Gigi將會演出電視劇。Do姐問她是否已收到劇本？“收到，我又冇呢方面經驗，超級緊張，又有少少尷尬。”Gigi面對名嘴，談笑自若：“尤其望住對方交戲。不過，我都覺得拍戲有好處，尤其作為藝人，係一個儲備經驗的好方法。”

十六歲唱情歌，Do姐問Gigi如何投放感情？“我個人好鍾意幻想，得閒會幻想一些悲慘嘅嘢，又會靠導師或老師幫吓手開導。”炎明熹年紀還小，仍以學業為重。“現在，返學為主。好彩，唱歌對學業影響不大，同學相處，亦沒有大問題，佢哋好支持我。”然而，她同時要兼顧上課、唱歌、拍劇，Do姐坦言：“拍劇的確有啲辛苦，要有心理準備……”炎明熹精靈求教：“Do姐，你有乜嘢貼士畀我？”Do姐好介紹：“叫姑丈煮好嘢畀你食！你想吃甚麼好東西？” Gigi說：“我從不揀飮擇食，甚麼都食，没有特別喜愛的，除非不食得的食物。”是甚麼？Do姐好奇——

米田共！炎明熹赫然説出這三字，Do姐一窒，隨即大笑，爆出一句：“你好適合做呢一行。因為拍劇時，伙食唔係咁好。”

自言不揀飮擇食，没有甚麼特別喜好，不會貪靚買衫……Do姐關懷乖乖女，學生與藝人生活，畢竟天壤。“拍劇、唱歌，會否不習慣？”Gigi又把握機會，“Do姐，你有咩貼士畀我？”

姑丈聯同受訪，因是他是Gigi的伯樂。他本是樂迷，追隨老師學唱歌，也安排自小歌不離口的Gigi隨師學藝，結果激發出潛質。為了吸取實戰經驗，姑丈幫她報名各類型歌賽，最後參加《星夢傳奇》成為三料冠軍。

高 梁