多蒙特爭勝不“亭”步

【本報消息】歐冠盃C組，多蒙特主場出擊硬撼士砵亭。多蒙特聯賽輸波挫士氣，相反士砵亭賽前兩連勝，狀態士氣回升。不過蜜蜂兵有西法倫主場地利，今仗仍有力睇好爭贏士砵亭搶三分。

多蒙特聯賽輸波，各項賽事四連勝斷纜損士氣。論人腳，多蒙特有夏蘭特領軍貝寧咸、T夏薩特及白蘭特等進攻，近五戰攻入十三球火力不俗，不過隊長馬高雷斯仍上陣成疑，夏蘭特聯賽亦現疲態。士砵亭搶得兩連勝，狀態回勇，不過上戰小組賽主場曾大敗阿積士腳下，綠白軍今季火力差成致命傷。多蒙特今戰西法倫主場鬥士砵亭，蜜蜂兵仍睇好搶小組兩連勝。

蜜蜂兵主帥路斯冀馬高雷斯能趕及復出：“聯賽失利令人很失望，但我們有信心會強勢反彈。馬高雷斯傷患基本已經恢復，我們仔細觀察沒有大問題，他對球隊非常重要。我們當然希望他能夠上陣，但必須謹慎，我們會在賽前作出決定。”

阿積士贏波必“達”

同組阿積士主場鬥比錫達斯。阿積士近況強勢，各項賽事連贏六場，狂轟廿九球僅失一球，包括首輪作客五比一大炒士砵亭，老將泰迪連同賀拿進攻，阿積士火力十足。泰基亞費高、添巴把關同樣有信心。比錫達斯近況平平，儘管射手巴舒亞易今季表現不俗，但阿積士整體實力有優勢，主場出擊勝利在望。