白只演舞台劇落淚紓壓

白只、楊淇、朱栢謙等主演的舞台劇《久天長地》日前正式公演，眾人“落淚”演出，令觀眾同樣釋放情感，現場更有男觀眾忍不住流下男兒淚。

白只在戲中穿梭多個場口，角色情緒大起大落，時而聲嘶力竭，時而淚流披面。首場完成後，見觀眾反應唔錯，白只亦感到如釋重負：“其實都唔係喊得好辛苦嘅，因為我開始覺得每日喊吓、流吓眼淚，成個人都會放鬆啲、健康啲。以前我做開喜劇，大家覺得我做到，就成日搵我做，所以今次監製張珮華搵我做正劇係好大膽，可以有這次機會已經心滿意足。”

楊淇在戲中由學生演至人妻，她直言這次對手好強，令自己壓力甚大：“因為太在意每一個細節，可能自己想做得最好。不過好開心觀眾反響好大，更帶到我好快入戲，感受到他們係同劇情一同呼吸。”