張敬軒想搞以物換物活動

張敬軒與林芊妤昨日出席新品手機宣傳活動，軒仔說有意明年搞一個以物換物的活動：“因為我的收藏品太多，加上近來朋友之間都有類似做法，我覺得既環保又有意義。”

張敬軒自言是年輕人版的救世軍，笑說：“我有好多英式銀器同復古傢俬可以用作交換，今次受傷都係因為執倉，不過場地方面至少要五至六千呎，因為好多嘢都好大件。之前王菀之幫一套動畫配音，電影公司送咗一套一比一的動畫角色手辦，佢冇地方擺，就送咗畀我。其實就算唔係所有物件都用來以物換物，亦可以將部分做展覽，所以我有計劃同慈善團體合作。”

軒仔早前在社交網站自爆取東西時弄傷腰部，昨日他透露已漸漸康復，並即場示範伸展動作，證明已經無事。他笑說：“之前爬樓梯執倉期間聽到電話響，唔小心踩空一級跌落地，我已經醒目地扭一扭背部先落地，但可能就係呢個動作拉傷咗肌肉。”軒仔表示已經去照了X光：“骨頭沒有大礙，現在只是有少少痠痛。不過之後還會接一個特別的工作，爬上好高的地方，要克服畏高，我又要開始接受訓練了。”