浩勝駿綵人強馬壯

今日五場沙戰出馬不多，但形勢絕不單純，馬少場合爆冷唔奇。新季開鑼跑過兩次賽事，練者龍虎榜由華人馬房領先，外籍倉口普遍慢熱，今仗摩利高、史偉恩無馬上陣。賀蘭杜夫及李森出馬寥寥可數，似志不在此。反觀華人倉口踴躍出戰，馮耀正七駒列陣，馬多勢眾最可重視。

馮耀正上季爭冠無望，賽至季尾疊埋心水替馬匹減分，待戰駒休養生息再搏。上仗開鑼賽馮廄憑“好運戰駒”打開勝門，馬房新季有個好開始。今仗再佈強戰，全日七駒參戰擺出搏殺格，論形勢比人強，有力增添進帳。

第三場：二班千六米。“好運先生”上季連敗減分，今季評分下調至有利水位，現居二班跑沙地未算吃虧。馬匹質新進步，賽前操練頗積極，狀態勇進。今次易配田中正一主轡配搭完整。此駒後勁夠強，憑路合磅輕，可敲開勝利門。

第四場：三班一三五○米。“浩勝駿綵”質新馬實力未用盡，上季沙地表現穩定。拼後復課加強磨練，今仗操好重上征途，復跑此程正合發揮。此駒跟得鬥得，續由安萬堯執韁人強馬壯，可爭取新季開齋。

第五場：四班一○五○米。“方圓萬里”早熟馬具潛力。上季初出同程即勝，反映跑沙地具實力。但贏完該仗再無表現，連敗多場評分驟減，今於四班作賽佔盡便宜。“方圓萬里”休後復課打磨甚力，今仗操足再來，改配安萬堯操刀，欣逢路合班宜，可勝回一局。