吳林峰下月開處男騷

“吳林峰明天一切如常演唱會”將於下月十六日舉行，首度舉行個唱，吳林峰形容為新鮮、興奮又擔心。他解釋：“由Busking到而家，由喺街唱到上台，好似好大嘅進步，當然好希望好多人嚟見證，同時亦好期待，但因為呢個係轉投新公司Sunny Idea嘅新任務，好多同事支持，自然亦唔想白費大家心血，所以心情又好緊張好擔心，令我好想當係最後一次演唱會咁去盡做好佢。”

吳林峰除了獻唱自己的作品，亦會演繹他寫給其他歌手的歌，不過他事先聲明，這一次並非作品展：“我未必會唱返原版，或者會唱Demo，或者重新編曲。另外我亦會唱一啲對我意義重大嘅歌曲，以我嘅方法唱畀大家聽。”為了隆重其事，他開始操弗自己，以最好狀態見大家。