出爐港姐講食唔講色

以前的出爐港姐，重口味很多——男朋友認識多久？選後會否甩拖？這是娛記的“老生常問”；食色性也，永遠最誘人。今年港姐絕口不談色，只講食！悶到抽筋話題：請姐妹食咗火鍋未？

加冕當晩，TVB率先第一問，現在最想做甚麼？“食嘢，我整日都未食過嘢，怕出鏡大肚腩。”想食乜嘢？“最鍾意食火鍋。”一個人？“最好一班佳麗啦！”你係冠軍，理當東道主？“梗係，無所謂。”權杖初執，口頭大派福利，衆佳麗也視為“姐無戲言”。傳媒見一次問一次：食咗火鍋未？

日日忙於去領獎，包括獎金、獎品、獎狀。收穫滿滿的冠亞季軍及最上鏡小姐，絕不回應有否男朋友接送。自爆只與家人慶祝，九唔搭八說：“未有時間約齊一班佳麗吃火鍋。”四位得獎佳麗請客？友誼小姐邵初指着冠軍宋宛穎大嚷：有大食大，梗係佢埋單。宋宛穎不介意要請客，希望兩周內成事。在澳門的媽媽會否來港？“媽媽有工作，等她請到假才可以過來。我暫時未有計劃返澳門；希望媽媽來到香港時，再補吃飯慶祝。”

出席百貨公司頒獎活動，滿以為佳麗都滿載而歸。“我並不是購物狂，但很喜歡選購廚具，對下廚有興趣。日前買了一個法國名牌大煲…… ”這位澳門出生的香港小姐，果然夠智慧，疑似明示暗示：我這位冠軍，不但出得殿堂，且入得廚房。

邵初自言花錢最多在護膚品上，“自參選後要經常敷面膜，一星期敷五日，每日一塊，加上其他美容護膚品……幸好現在有贊助，幫輕不少。雙料季軍邵初，每次都收足兩份禮物，收穫豐厚？邵初笑言獎項不同，獎品份量也不同，但都好開心。

港姐們丰姿綽約的那襲旗袍，藝精工細。指定贊助商“中藝”為佳麗度身訂造的。大會發文：“中藝邀請本屆港姐三甲出席‘中藝二○二一中華文化推廣大使’委任儀式。 ”穿起傳統旗袍的港姐，豈只“香港親善大使” ，且是“中華文化推廣大使”！

高 梁