得夫寵愛生活幸福

滕麗名不想提魏駿傑

今日是一年一度的中秋佳節，昨日無線處境劇《愛 · 回家之開心速遞》舉行一個名為“人月兩團圓”的宣傳活動，該劇演員劉丹、呂慧儀、滕麗名、趙希洛、林凱恩及謝嘉怡等齊齊出席，祝賀大家佳節快樂，人月兩圓。

劉丹和呂慧儀都表示，收工後便回家跟家人一同慶祝中秋節。劉丹表示：“我會帶孫女‘小糯米’與她的同學仔一齊去玩燈籠。我記得自己細個時用碌柚皮整燈籠，仲會裝上車轆，都好用心製作，（今年可有為孫女整燈籠？）今年趕工作，都沒有時間去整。”

滕麗名前男友魏駿傑日前接受訪問時，自爆與她分手是因為她越來越紅，自覺配不上她，唯有北上發展作逃避。滕麗名昨日被問及此事時坦言：“唔係，佢當年個經理人都係我介紹畀佢的。（可知魏駿傑自爆曾有輕生念頭？）所以撒瑪利亞防止自殺會的作用真係好緊要，(可覺得魏駿傑目前的情況好慘？)人生自然會有高低潮，希望佢好好照顧個女，小朋友嘅成長好緊要。（你可會捧場睇魏駿傑演出的舞台劇？）我唔知到時有冇時間，不過都祝佢演出成功。”對於魏駿傑的事，她坦言不想多談：“唔好再講啦，費事畀人話我消費佢啦。”

滕麗名談回自己的事，她表示中秋節要開工，收工後便回家跟老公及朋友一同慶祝：“每年中秋節，我都一定要老公買四黃白蓮蓉月餅畀我食，我又會安排朋友買個兔仔燈籠送畀我。（有何中秋節難忘事？）我記得小時候同表妹一齊玩燈籠，表妹唔小心把燈籠燒着，整隻手臂都被燒傷，呢件事之後，我玩燈籠時都會好小心。”呂慧儀表示今年因為工作忙碌關係，未有時間為兒子整燈籠， 上星期並已提前去燒烤慶祝。

呂慧儀表示今日中秋節仍要開工：“不過，我和《愛 · 回家》演員會帶生果及月餅返錄影廠一起慶祝，到時成個錄影廠會好多嘢食，變成一個‘增磅’廠，哈哈。”