莫文蔚讚香港樂壇活躍

莫文蔚(Karen)接受香港電台節目主持人車淑梅的訪問將於今日播出，在節目中，Karen談及對樂壇新人的看法，並分享對演藝事業與婚姻的心得。

談及下月一日便是她的結婚十周年紀念日，她會如何慶祝錫婚？Karen竟然大呻：“我哋（今次）唔可以一齊慶祝，因為佢要返德國陪父母、又有工作在身，所以提早離港。其實可以走埋一齊的每一日，我哋都好珍惜，每一日都係大日子，唔需要刻意記住紀念日，只要大家在一起就足夠！”

Karen透露留港期間，順道宣傳其粵語新專輯，心情相當興奮，還表示唔急於返回歐洲的家：“我發覺近年香港樂壇變得活躍，好多新晉歌手的演出好精彩，佢哋亦好積極。我未有機會接觸Mirror，但有留意佢哋，因為哄動全城嘛。呢班後生仔受歡迎係好事，香港樂迷以前都好鍾意追捧日本、韓國歌手，我哋本土點解唔可以有呢！我的小師妹黃妍好有文藝氣息、炎明熹唱得好專業，新人咁快就去到呢個位，係因為自信、有膽識、唔怯場，完全係新世代！我依家先識開竅，我會繼續唱，因為未封咪。”