馬季開鑼賽總投注逾三百廿萬

中野省吾喜中孖寶

昨日馬季開鑼賽，吸引不少馬迷入場，場內氣氛熱鬧。全日六場賽事總投注額共 三百二十萬二千元。

頭場六班馬混戰，劉永康騎豪廄“天行大師”後上掄元。此雙人馬上季尾跑同程飲恨第二，今次新季首戰原裝配搭再上征途。騎者出閘留守六丶七位，入直路展開強勁衝刺，將對手一網打盡。“天行大師”新季首戰開餬，劉永康、謝偉豪攜手打響頭炮。

第二場摩利高新季開齋，旗下“艷姿媚”交高君濤主轡，出閘一放到底。此駒上季初出由高君濤押陣，以無敵姿態取勝。今次新季首戰原裝人馬出擊，取得跨季連捷，獨贏熱至只派不到十一文，買中者得啖笑。高君濤、摩利高新季攜手開勝門。

第三場一二班混合賽，中野省吾贏浩廄“乾卦”。此駒新季首戰沙地且蝕分出戰，但臨場受到追捧成次熱門。出閘留守尾三丶四位，待至入直路才展開衝剌，埋門撼抵頭牌馬“聖靈之都”，取得新季首W。“乾卦”宜沙宜草全材馬，今次出爭沙地恃磅輕，一條直路贏來魚生粥“僅僅熟”。中野省吾丶梁國浩新季齊齊開齋。

第四場中野省吾搏殺起孖。此子贏完“乾卦”乘勝追擊，是場騎李家輝廄“鑽飾月光”出閘快步搶先，沿途自造步速一口氣直帶到尾，贏至對手無力招架。“鑽飾月光”新季首戰即勝，輝廄開餬，中野省吾喜中孖寶收穫不俗。

第五場田中正一、錢健明攜手開齋。錢廄鎮倉寶“國金駒”新季首戰沙地即勝。今次落班負重磅出戰，出閘全程咬貼對手，入直路發力衝剌將對手擒下。此駒上季戰績彪炳，今次新季首戰即勝，騎練攜手贏馬。

尾場安萬堯、馮耀正“好運戰駒”攜手食尾餬。此駒上季尾初出跑同程得第三已露光，今季原配首戰捧成大熱，出閘快放守好位，入直路逢馬過馬，埋門彈甩對手直奔終點。騎、練齊開齋。