多蒙特難“達”陣

【本報消息】歐冠盃C組，多蒙特作客惡鬥土超勁旅比錫達斯，多蒙特人腳牌面佔優，不過比錫達斯近況強勢，主場表現突出，蜜蜂兵作客要贏唔容易。

歐冠盃開戰，多蒙特挾德甲兩連勝強勢作客比錫達斯，蜜蜂兵人腳實力肯定佔優，尤其射手夏蘭特狀態持續大勇，腳風勁順，入波之餘亦經常為隊友鋪橋搭路，配合馬高雷斯、白蘭特、T夏薩特等進攻，前線火力有保證。

不過現時在土超排榜首的比錫達斯，今屆加盟的前車路士射手巴舒亞易連同迪西拿進攻有表現，新星門將迪斯達路古把關防線，今季四戰攻入七球不失一球，比錫達斯攻守兼備。多蒙特火力夠強但防守一般，作客伊斯坦布爾爭勝難度十足。

蜜蜂隊長馬高雷斯提醒球隊做好防守：“球隊近幾場都取得勝利，但防守表現絕對不合格，上一戰鬥利華古遜就是證明。我們經常能夠攻入三至四球，但我們同時亦失太多波。當然我們對爭勝很有信心，但贏波不能只靠進攻，防守需要加強亦是不爭事實。”

阿積士硬撼士砵亭

同組阿積士硬撼士砵亭，兩軍人腳實力接近，阿積士近況不俗，前線泰迪、賀拿進攻火力相當，老將史迪基倫堡把關同樣有表現。士砵亭聯賽兩連和狀態下滑，比起四戰轟十三球失一球的阿積士，士砵亭攻守亦比下去。即使阿積士作客缺地利，亦有力睇好搶三分。