盧瀚霆通宵拍MV唔敢嗌攰

盧瀚霆(Anson Lo)昨日出席香水品牌宣傳活動，吸引大批“神徒”（粉絲群昵稱）湧至現場，場面墟冚。Anson以一身粉藍色西裝斯文Look現身，雖然面露疲態，但不時揮手又擰頭，更大跳Moon Walk舞步，引來粉絲不停尖叫。

Anson透露前一晚通宵為單曲新歌拍攝MV，完成工作後即趕到活動現場，現場有“神徒”大叫：“你通宵拍MV，我通宵排隊！”Anson表示由於居住地方偏遠，拍完MV後便到附近工作人員家中沖涼換衫後才前來。他說：“今早七時四十分拍完，如果計埋今晚開工，就會開工三十幾小時。依家狀況都OK，今朝化完妝有少少暈，但已經過咗眼瞓時期，在車上都有瞓咗陣，但見到粉絲好開心。我知道佢哋通宵排隊，辛苦晒大家，所以我都冇資格嗌攰。”

問及日前Anson Lo於限時動態中曬出以他為題材的英文科功課紙，令家長不滿偶像風滲透校園。Anson解釋功課紙係由母親轉發給他的，又認為功課唔關追星事：“只是覺得MIRROR融入大家心目中，陪住大家成長同經歷大小事。”談到因為他演出同性戀題材劇《大叔的愛》，有家長擔心年輕人對兩性關係有所困擾，Anson表示日後會透過作品發放正能量，以影響學生努力讀書，不要放棄學業。