劉倩婷封肚唔想追仔

唐麗球女大女世界

劉倩婷、唐麗球（波波）、向海嵐、宮雪花及金鈴等昨日出席旗袍展。周日將進行港姐總決賽，劉倩婷透露自己也要上台參與其中一個環節，所以早早準備了一件貼身晚裝出場。

港姐總決賽將於周日晚舉行，劉倩婷透露睇好在準決賽答問得一百分的八號宋宛穎，指八號大方謙虛又聰明：“很有信心她能奪冠，現在我們有私下傾偈，會給她意見以最佳狀態示人。小貼士是睡好一點，要碌瘦塊面去吓水腫，還有就是享受舞台！”

劉倩婷昨日出席活動完畢後馬上便轉水着Look，她透露要陪五歲半的大女兒去水上樂園玩：“生了細女這半年來，我都專注照顧BB。為免大女呷醋，也要陪她去玩一趟。”但劉倩婷又指大女其實好有愛心：“每日會爭住攬妹妹，又幫手餵奶，自理能力好高，不會愈幫愈忙。”她表示大女剛入學：“入讀到心儀學校，也可幫妹妹鋪條好路。”倩婷亦多謝老公李丞責花了一半時間去湊小朋友、管接送返學，讓她可以專注照顧BB。被問會否多追個仔？她笑說：“又隔五年再生？唔會啦，雖然我仲後生，唔算高齡，但封肚唔生了，因為減肥好辛苦。之前拍港姐花絮節目時，我已經減了十磅，但站在一班師姐旁邊，感覺自己都要以最好狀態見大家。”

唐麗球透露老公吳毅將近日返咗香港，所以兩公婆在家煮飯仔、一起做運動和見朋友。波波表示疫情下，老公今年有一半時間留在內地：“也有想過陪老公到內地工作，因我知道兩夫婦可以一起隔離。”

波波亦透露十七歲大的女兒最近從加拿大返港，正在隔離，她指女兒經常一個人生活，感覺乏味：“佢曾去韓國旅行，好嚮往當地生活，所以現正申請到韓國讀書。”笑問會否唔准女兒在韓國識男友？波波笑說：“識韓仔都唔拘，但佢老竇就可能唔想，怕韓國男人好粗魯，不過聽聞現在跟以前已經不同。”波波坦言女兒開始成長，有個人主見：“當父母的不能管束太多、只能引領她少犯錯。”