伍仲衡開騷唔敢超時

日前，音樂人伍仲衡(Harry)聯同鍾柔美(Yumi)及冼靖峰(Archie)作客TVB娛樂新聞台節目《StarTalk》，大談即將舉行音樂會Part 2感受。Harry直言怕悶：“音樂會係全新Rundown騷，上次嘅歌玩完就喺上次留一個回憶。而且會係四面台，希望可以同觀眾拉近距離，今次嘉賓有好多都係新一代年輕歌手，好似Yumi同Archie。”

再做音樂會有甚麼改善的地方，Harry說：“上次做咗四個幾鐘八十隻歌，今次唔可以唱咁長，唔可以Overrun，我嘅樂手話做我一個Show，等於做人地兩個，再Overrun會罰錢罰得好金！（但Overrun係你特色，平時你嘅網上音樂會閒閒哋都唱過十二點。）我自己個場就冇所謂，人哋地方就唔得啦！”身旁的Archie和Yumi曾作客Harry的網上音樂會，Archie說：“真係快樂不知時日過，Harry一彈我就唱，完全冇惗過已經去到凌晨一點。”Yumi笑說：“唔夠喉，下次要由下晝開始網上音樂會。”