鍾意老婆Baby Fat

陳展鵬否認單文柔佗二胎

陳展鵬再戰樂壇，前晚與泳兒、胡鴻鈞、譚嘉儀、洪嘉豪、劉威煌、陳逸璇、謝高晉及倪辰等為郭偉亮、糖妹（黃山怡）、涂毓麟主持的《勁歌金曲》錄影。談到節目內有點評歌手表現的環節，展鵬坦言不介意，自己可接受到別人的批評。

當年以歌手身份出道的陳展鵬，後來加入電視台拍劇，已沒有再唱歌。相隔廿多年，他在演戲方面取得一定成績，當上視帝之後，重拾他的歌手夢，再戰樂壇。他前晚出席無線音樂節目《勁歌金曲》的錄影，獻唱新歌《真愛配方》。

談到新版《勁歌》中多設了點評環節，展鵬笑言無所謂，自己可以接受到別人的點評。之後他透露：“但今次唔使被點評，但如果畀人點評我都OK，我睇過之前幾集，評判同觀眾的評語都好中肯，唔會亂來。大家只係對事，真係無所謂，而且能夠獲音樂人指點一下，對歌手來說都好有得益。（自覺唱功如何？）其實我都不是太有信心，所以最近都有跟老師學唱，可能功多藝熟，經過訓練，自覺今次唱得比前好咗唔少。”

談到單文柔近日看來發福了，被懷疑再度有喜，展鵬立即否認：“太太真係冇再有喜，她一向都有啲Baby Fat，加上她又好少會執相，所以給人錯覺以為她有喜。不過，我就係鍾意她的天然美。（何時為女兒小豬比添個妹妹或弟弟？）最近我真的好忙，而且生小朋友好講緣份的。”

泳兒透露因為今年出了很多歌，被人取笑變成《勁歌金曲》常客。曾任《聲夢傳奇》導師的她，被問到《聲夢》開第二季可有找她？她表示：“我未收到邀請，如果再做導師，都希望被學員叫‘泳兒姐姐’，因為聽起年青一些，被人叫老師真的有點不慣。”