偉仔越活越佛系

三十年前揚言“三十六歲一定要退休”、被鄭裕玲翻舊賬的梁朝偉，今年已五十九歲，又有了新想法。偉仔說：“當年經常說想退休，是因為工作太辛苦。”

梁朝偉說近十年來工作較輕鬆，已沒有當年的極端想法。現在若感到攰便可停下來，休息久了，又有興趣去開工，一切隨緣：“可能導演鍾意我，我又唔鍾意個劇本，鍾意個劇本又唔鍾意角色，現在接戲非常佛系。”

原來梁朝偉拍完《尚氣》後返港，已拍完一部電影《金手指》，現在再去了上海開工，明年飛溫哥華拍電視劇。亦是他拍完無線劇集《俠客行》後，相隔三十三年再拍電視劇。

鄭裕玲踢爆當年拍劇收工後各人趕着回家，偉仔卻趕着去酺。“嗰時後生嘛！”偉仔直認，“不過，戒咗二、三十年了，現在食完晩餐就返屋企。”他更透露生活有規律：每天早上六時起床，做兩小時運動，洗澡後去買沙律及蕎麥麵自製早午餐，不用拍戲時，在家閱讀睇電視。

鄭裕玲爆料曾經早上遇見過偉仔去買沙律，“因為早上人流稀疏”，梁朝偉自述：“吃得清淡，因我的腸胃不佳，好容易食物中毒，病住開工好辛苦。試過拍王家衛某部戲，有次我發燒，但佢話章子怡只得當天的檔期，唔拍唔得。”

談過去、論今天、望將來，“如果不做演員，最想做運動員，尤其偏愛水上活動，例如帆船、滑水及衝浪。”梁朝偉不勝雀躍説：“水上活動要視乎不同天氣變化，學到許多大自然知識，而且可以一個人玩。”他否認愛獨處：“試過與家人行山，唔係個個都行得，更試過有人行到抽筋。”

帆船賽曾得過奬牌，可有想過參加奧運？偉仔回應說：“體力不及後生仔了，我係享受運動，唔係計較金銀銅牌，唔使贏。”

拍攝《尚氣》時每日開工十小時，身為影帝中的影帝，片場生涯如昔：“中間沒有休息時間，甚至沒有放飯時間，因現場長期備有食物，拍攝的緊密程度令我覺得好似當年拍電視劇。”

高 梁