張文傑為偶像拍MV囉囉攣

動作演員張文傑(German)日前應邀為梁詠琪(GiGi)新歌《流金歲月》拍MV，他表示拍攝當日見到 GiGi後已即時投入：“已經唔可以尷尬，要忘記緊張，只係全程投入。已經當咗GiGi係我最愛嘅人，望住佢、幻想同佢一齊時候嘅美好，一路感覺到好甜美。”

視GiGi為女神的German，表示收到拍攝邀請後好興奮：“緊張咗幾日，拍攝當日坐車到現場時仲好緊張，我好耐冇試過咁緊張！我好喜歡睇《初戀無限Touch》，希望有一日做佢嘅沈志康（陳曉東飾演），仲好記得佢唱的那一句‘地下鐵碰着他’。”

German初時以為有動作打鬥場面，但當導演Maggie告訴他要演繹前夫一角、回顧結婚後甜蜜幸福時光畫面，German心情極為複雜：“好興奮又好擔心，除咗動作戲份，我一直都想挑戰唔同嘅角色。但擔心自己演得唔好，因為我從未試過演繹咁溫馨的角色。”但German也很感謝導演：“今次演繹呢個角色，畀人睇到我另一面，畀人知道我唔係淨係識得打打殺殺。不過好難抽離角色，因為我掛住GiGi好幾日，個心好囉囉攣。”