高海寧演八歲角色好迷惘

高海寧(高Ling)與陳展鵬近日合作拍攝新劇《童時愛上你》，高Ling大讚展鵬有喜感：“佢好得意，之前覺得佢成日演好多打戲及正經角色，但原來佢拍喜劇時好有喜感。可能佢做咗爸爸後好識湊女，在戲裡面用口氹女方法來口氹我，好好笑。”

新劇中角色的智商只得八歲，高Ling坦言越演越迷惘：“因為角色有好多唔同階段，有八歲及廿八歲，有時同時存在，有時又冇咗八歲，所以要好清晰至可以準確表達每場戲。”但她亦覺得角色很好玩：“對手及拍攝氣氛好好，大家對戲時經常開心到笑唔停。”

陳展鵬表示在劇中有很多新嘗試，加上高Ling、糖妹、胡楓很多對手都是首次合作，感覺很新鮮。他謂近年都是演特定角色：“拍戲經常都演草根角色，已好耐冇穿西裝扮靚仔拍戲，今次都是幾好的嘗試。”戲中他飾演高Ling爸爸，予人新鮮感，展鵬笑說：“如果我個女有咁高咁靚就好。”