與陳毅燊首度合作

黃淑蔓被電暈

兩位寰亞新人陳毅燊與黃淑蔓，在寰亞音樂的頻道炮製了一場迷你騷，雖然係初次見面，但愈唱愈合拍，不時四目交投、甜甜傻笑，現場充滿青春浪漫氣氛。

今年暑假正式加入樂壇的陳毅燊(Ansonbean)，為要挑戰不同的音樂任務，在公司安排下，與從英國放暑假返港的師姐黃淑蔓(Feanna)在寰亞音樂頻道炮製了一場迷你音樂會。雖然兩人係初次見面，但愈唱愈合拍，更不時四目交投、甜甜傻笑，現場充滿青春浪漫氣氛。

初次見面，Feanna搞笑地澄清：“雖然你係我師弟，但我依然係寰亞孻女（年紀最細）。我之前在一個演出裡面其實見過你，我有向你打招呼，但你好冷淡咁同我講Hello，可能以為我係粉絲囉。”在四人樂隊及和音伴奏下，兩人合唱了Ansonbean首支派台歌《Crush oh no！》和AGA的《City Pop》。原本表現從容的Feanna突然變得好怕醜，她其後解釋說：“我一直要求公司搵個靚仔同我合作，終於願望實現啦，我心裡小鹿亂撞咗好耐，完全唔敢同佢對望。佢一望我，我就縮，尤其對唱《Crush oh no！》時的歌詞太甜啦，你明唔明Ansonbean對住我唱啲咁Sweet嘅歌，唔得口架！”

師姐被電暈，Ansonbean卻一臉無辜：“我好驚，只係扮唔驚！第一次咁樣唱歌，Feanna又好勁，唱的時候其實好緊張，加上現場冷氣有啲凍，我有啲坐立不安。”

最初埋位時，Ansonbean的確表現有點緊張，一時坐一時企；Feanna亦受到佢影響，一度要坐在地下練歌。Ansonbean解釋說：“因為力從地起，愈企得穩就愈唱得好。”Feanna亦附和道：“同意呀！我都鍾意貼地，我錄歌時都鍾意除咗鞋或者坐地下。”

經過一輪熱身，兩人合唱《City Pop》已明顯開始有默契，愈唱愈有水準。問到兩人會否向公司提出製作一首正式合唱歌，Feanna大力贊成，並希望可以合唱快歌。她說：“好呀！好想試Rap，Ansonbean咁正，佢仲可以教我跳舞。”Ansonbean也和應說：“好想合作呀！係一件好事。”

除了努力練歌，擅長Rap的Ansonbean與Feanna合唱《City Pop》時，更加了一小段Rap的歌詞，他說：“係我自己用一個下午時間寫的，第一次寫廣東話Rap詞，係一個新嘗試。”