郭奕芯拍篤波戲攰到飄浮

郭奕芯(Ashina)在新片《#PTGF出租女友》內是首位出場的角色，這場在桌球室拍的篤波戲，講述趙善恆、張家希和岑珈其打桌球，Ashina則以超級性感的大低胸窄身裙戲服亮相。

Ashina透露當時因患上荷爾蒙失調：“整個人很腫，加上本身不懂打桌球，劇情又指我篤波好叻，所以要臨場即時練習。”各種原因下，令她感到極大壓力：“係驚自己做得唔夠好，好彩成件事好順利。之前與岑珈其合作過，佢係我心目中的出色演員，好有綜藝感。”

提起她患上荷爾蒙失調，Ashina苦笑說：“前排因疫情宅留屋企，好想有嘢做又好悶，唯有係咁食！新陳代謝好差、好腫，心情浮躁，最慘都係好想食嘢，好似黐線咁。拍完戲就要睇中醫，飲中藥調理返，依家正常咗、瘦返晒。”

在電影開拍期間正值疫情高峰，所以比起一般港片拍攝更困難。Ashina說：“電影好少由夜晚開工到翌日下午，但幕後人員仲辛苦，永遠係我哋舒舒服服埋位、拍完就走，佢哋就要執頭執尾。拍完篤波後再拍電話舖的戲，中間在車上休息，第一次攰到好似飄浮，好誇張。”