煞科賽總投注逾五百四十萬

中野省吾三捷捧金盃

昨天馬季煞科，八場草地黃昏馬戲碼不弱，總投注共五百四十萬一千元，創今季新高。

頭場六班混戰，鄒廄雙龍出海戰術，旗下“榮華煌田”由蔡義武主轡，出閘快放一氣呵成走返，挫敗廄友“滿堂威”。此駒上次安萬堯後上第三未竟全功，今次易配重來。蔡義武出閘把握先機，一放而返替馬房建功。是場鄒廄包辦馬房Q，煞科日做齣好戲。

第二場任布利贏浩廄“珍珠鴻運”。此駒季內出戰減分居多，已久無頭馬見面，賽至今日馬季煞科才發難。騎者出閘緊隨馬群而走，入直路發力衝刺，埋門險勝對手，替馬房標尾會。

第三場中野省吾贏兆廄“江河飛騰”。此駒連仗落敗，今次唞夠再上征途，易配中野省吾搏殺。騎者出閘搶放，一氣呵成帶返，贏至對手無力招架。中野省吾刑滿復出贏馬，張兆煊添一W。

第四場錢廄包辦馬房大冷Q。旗下“國金之星”由艾比操刀出閘搶放，全程自造步速，無驚無險放到終點，爆四十八倍大冷W。同廄“寶湖之友”埋門來遲一步屈居第二。是場錢廄一Q派逾千四，中者和味。

第五場中野省吾贏恩廄“耀昌之星”，捧走金盃兼起孖。此雙人馬上次贏完再來，今次轉戰千八米，出閘搶先一放迄終，贏來全無壓力，人馬取連捷。中野省吾、史偉恩攜手摘取本季最後一項大型錦標。

第六場中野省吾高中三元。此子起孖捧盃後再接再勵，是場騎恩廄“追鷹”出閘搶放，全程帶頭放返終點，贏對手成條街。騎者全日三元進帳兼捧金盃，練者亦起孖。

第七場田中正一爆冷贏錢廄“駿王仔”。此駒季內屢拼不出頭，今次遇上地淋相助，騎者出閘守好位，轉彎入直路撒開大步直奔終點，贏至對手離行離列。田中正一贏馬。錢廄煞科日起孖。

尾場張志立騎摩利高廄“浩勝寶馬”後上挫敵。此駒上次贏完再來，今次易配張志立發揮水準，替馬匹食尾餬。