幸運星坐位望贏

馬季今日煞科，下季九月十八日開鑼。騎師冠軍塵埃落定，高君濤蟬聯冠軍，此子已是第六度榮登皇者寶座。練者錢健明暫以五場頭馬領先，今日十駒參戰，全力搏殺，料居次席張兆煊不易反先，如無意外錢廄可奪今屆冠軍。

鮑羅素騎完今仗棄牌而去。此位巴西騎師來澳有兩年，身手不差，早前替豪廄“西門吹雪”爭打吡摘冠，屬來澳策騎佳作。鮑羅素下季聞會返祖家發展，今日在澳最後一戰，臨別秋波料必盡拼，馬迷可留意。

第二場：四班千五米。“幸運星”近期不勝有位，表現不斷進步，質新馬季尾表現愈來愈好。拼後小休再來，賽前加強磨練，今仗強配鮑羅素操刀，欣逢路合且排檔好，論形勢比人強，坐位望贏可做到。

第五場：“澳門金盃”一級賽千八米。“西門吹雪”上仗同程爭打吡贏來輕鬆，人馬表現夠悅目。此質新馬季內演出可人，跑長途氣量充沛。拼後原程續戰，今番鮑羅素操刀配搭夠強。賽日倘遇地淋更有利，憑近況當起可一撼同場對手。

第七場：三四班千二米。“微希沃特”新馬台型不差，外地跑過一場實力未露底。來澳後多操已有準備，今次上陣擺明要搏。馬匹季尾狀態起得不俗，插班此組未算吃虧。交鮑羅素主轡人強馬壯，今日煞科戰最後一擊，有力即食。