姜濤與呂爵安澄清冇不和

人氣男團MIRROR前晚出動手機發佈活動，全體隊員以冬裝亮相。姜濤與Edan（呂爵安）到場後攬頭攬頸表現老友，Edan稱若有不和就不會這樣做，是好友才會身體“攻擊”。

對於姜濤疑似被Edan欺凌兼傳出不和，Edan回應傳聞時笑指通常自己才是被欺凌的，但他亦承認在片中做了不當行為，“因為冇留意到被拍”。姜濤搞笑地在旁扮哭，其他隊友起哄叫他有唔開心就講出來，於是姜濤扮口窒窒地澄清：“係報道小題大做，男仔之間好多呢類玩笑，但鏡頭前唔識收放，花姐都有不時提點我哋，之後會注意返。”

Anson Kong亦自爆常被笑面闊，隊員間又會互笑腳短，但強調冇不和。Edan指粉絲不會誤會，因他們由《全民造星》開始已經是好友。Lokman透露為拍片要剪短頭髮：“感到唔係好習慣，因為自細就被指似關智斌，所以才留長髮。”阿Jer則被隊友踢爆未請食飯，他就笑言“係兄弟才會欠”。