尾場騷互摸賣大包

馮允謙陳卓賢同台嗨爆

前晚，馮允謙(Jay)、Mirror成員陳卓賢(Ian)假九龍灣國際展貿中心Star Hall舉行尾場演出，兩位唱作歌手全晚情緒高漲，Jay不但狂攬Ian，更借機摸對方的胸肌與腹肌，而Ian亦愈唱愈High，在尾段更忘我地演繹一系列跳唱作品，為《我是現場》音樂會002帶來了最跳脫的現場演繹。

入行九年首次在Star Hall開騷的Jay，十分享受今次與Ian合作，他在台上一邊講一邊以肢體語言示範：“Ian嘅粉絲應該好羨慕我，因為今次合作，我最近呢五、六日，日日都見到你，都會任我擁抱，有時見到你對眼咁靚，忍唔住要打心心畀你，你又會對我打心心，係咪好正？！有時擁抱嗰陣，有時隻手就會跣咗落去胸肌，有時甚至唔覺意跣咗落去腹肌口添……嘩！原來好實喎！”此時Jay連環按着Ian的胸肌與腹肌，台下粉絲瘋狂尖叫，Ian自己也忍不住露齒大笑說：“你公開非禮我喎。”Jay聽到即說：“Sorry Sorry，我哋仲Friend？”Ian便打趣兼乘機Sell歌道：“Don’t Wanna Be Friend ” ，邊說邊走近攬實Jay。

除了Jay口氹得Ian開懷大笑外，他的Mirror隊友Anson Kong亦現身撐場，令Ian心情大靚，在唱出他寫給對方的《蝸牛》時說：“呢隻歌係寫畀朋友嘅，佢今晚都喺度，特別送畀佢，大家都畀吓面，唱大聲啲。”台下粉絲當即和應Ian的話，全場大合唱全曲，而在台下的Anson也十分感動，特別向Ian送上飛吻！

今次Jay與Ian除了大騷音樂才華，二人特別在音樂會的尾段加入了Dance Medley，演繹了Michael Jackson、Mirror、陳奕迅及Jay的多首作品。經過首晚的演出後，前晚兩人在表演時份外跳脫，Jay High爆走勻全場，Ian也Cute爆擺出V字手勢，一時又自轉起舞，二人表現有別於彈奏樂器時的帥氣，讓全場粉絲見識到二人文靜與活潑好動的不同面向。