純情好戲景揚名

五十七年前今日，一部愛情片上映，女主角一鳴驚人，連帶意大利幾個名勝亦舉世知名，廿四小時一段情，竟成數十年愛情電影經典，歷久不衰。倘女角遭遇放諸今世，早已失身賣落火坑矣！

《金枝玉葉》，外地譯《羅馬假期》，柯德莉夏萍玉女登場，新星介紹，即贏金像獎；格力哥利柏風度翩翩，斯文溝女，弄假成真。人純，愛純，社會純，尤是道德約定，於今世道，實乃稀奇之物，影片可愛之處亦於此。

片如其名，意大利風景名勝入攝，羅馬噴泉，西班牙廣場，真理之口，幾十年間，已成名牌，去意國不到此一遊，即係枉去。當地特有之“神甫電單車”，亦因之名揚世界。

導演威廉惠勒大有來頭，《四海一家》、《山河血淚美人恩》、《賓虛》、《妙女郎》、《偷龍轉鳳》等皆其手筆。佢曾數獲最佳導演獎，其作既大器，又煽情；既嚴謹，亦風趣，娛樂性甚佳。

西門公子