婚禮延期八個月

可宜：終於嫁得出喇

前有線主播可宜與港隊甲一籃球員鄭錦興前晚舉行婚宴，新娘子穿上一襲低胸婚紗，新郎則身穿蘇格蘭傳統禮服一同見傳媒，又應傳媒要求多次咀嘴拍照。

受疫情影響，可宜與鄭錦興的婚禮一度延期，對於終於榮升“鄭太”，新娘子開心得高呼：“我終於嫁得出喇。”可宜表示婚禮原訂於去年平安夜舉行，因疫情影響而延期：“婚禮延期了八個月，但好感恩！現時可以有更多賓客出席。”

人緣不俗的可宜除邀得好友鄭啟泰擔任婚宴司儀外，瑪姬亦是姊妹團成員；當晚到賀的圈中人有黃健東、張學潤及嚴崇天等。

可宜透露婚禮邀請了一百八十名賓客，出席的賓客中有三分之二人須打齊防疫針，發請帖時令她甚為尷尬。她說：“要不停問賓客打咗針未，都有啲尷尬，有啲賓客來唔到。身處英國的姐姐亦未能返港參加婚禮，惟有教堂行禮時直播畀家姐睇。”可宜表示婚禮獲很多贊助，惟獨老公身穿的蘇格蘭禮服是特別訂做：“布料是由蘇格蘭空運到港，價值並不便宜，格仔布的圖案代表我的姓氏。”可宜大爆行禮時老公喊了多次，她步入教堂時離遠見到老公喊，自己亦感動落淚。問到新郎有何愛的宣言？鄭錦興說：“一路走來都唔容易，過程已有好多歷練，以後會更加好。”

問到造人計劃，二人齊聲表示想生小朋友，但可宜笑說：“想生，但唔想有太大壓力，都會努力，老公比我更加鍾意小朋友。（生一隊籃球隊？）一定唔會生一隊籃球隊，希望生兩個吧。”她又稱因未能出埠，度蜜月地點可能去西貢或長洲，但最想可以返家鄉蘇格蘭度蜜月。

新娘子好友瑪姬在婚禮上不單做姊妹，更被神父委派做伴娘幫助新娘子整理婚紗兼負責讀禱文。瑪姬表示見證好友可宜在教堂結婚，忍不住喊了三次：“因我哋家庭背景相似，都是在單親家庭成長，所以當聽到分享感受就忍不住落淚，就連雙方家長及新郎都感動到落淚。”問何時輪到她結婚？自言單身的瑪姬說：“物色中！(想在兄弟團中物色另一半？)兄弟團又高大又靚仔，但要先了解邊個係單身！(已有目標？)都有睇中的，（叫可宜做紅娘？）唔使可宜幫手，自己來，希望今晚成功！我哋有個群組，我會採取主動嘅被動方式。”