搏殺單Q
江河精彩打鐵趁熱
今晚五場草、沙地賽事,賽前來料推介頭場“江河精彩”及二場“勝利鴻星”一對勇馬,啱心水不妨跟進。
“江河精彩”質新近況理想,上仗同程輕鬆贏馬,表現有餘未盡。今晚打鐵趁熱,排中檔可望再下一城,值得追捧。“八達城”上仗同程得亞,走勢惹人好感。今晚續由艾比執韁,人馬合拍,對手非強單Q一於揀佢。
“勝利鴻星”場地性能廣泛。今仗強配高君濤,戰意唔使懷疑,路合檔佳可望打破悶局,不妨重視。“江河大利”沙地性能突出,今戰轉由余健雄策騎,戰鬥力未減,信賴馬房戰意,單Q不妨預佢。